Histoires & souvenirs

Liebs Ta, so händ mir dir am liebschte gseit und uf de Name häsch du au immer gloset... Letschts Jahr afangs Dezember händ mir eus entschiede, für de Mogli wieder es Gspänli z'hola. Im Tierheim sind mir dich go a luege und du häsch eus grad gfalle. Au wenn du es entzündets Aug gha häsch. Nach es paar Täg isch dis Aug eifach nöd besser worde und nach vielne Untersüech isch use cho, dass du e schlimmi Virusinfektion häsch. Du bisch fascht blind gsi, häsch aber i de Wohnig immer alles gfunde. Sogar d'Wändelträppe häsch du super gmeischteret. Vo eim Tag uf der Ander isch es dir schlächt gange, häsch gar nüt meh gseh und häsch fascht nüme chöne laufe. Mir händ dich ghebet, damit du chasch ässe, gwäsche damit du wieder guet schmöcksch, dich bequem anegleit, dass du chasch schlafe und viel viel mit dir gschmust, dass mir dini Nöchi gspürt händ. Genau hüt (14.7.06) vor eim Monat händ mir dich müesse i schlöfere. Es isch ganz schnell gange. Doch es tuet weh. Du bisch nur 7 Mönet bi eus gsi, doch mir händ e lässige und intensive Zit mietanand verbracht. De Mogli vermisst dich sehr, er liet überall dört hi wo du gsi bisch. Mir wüssed, irgendwänn wirsch du wieder zrugg zu eus cho, wenn Zit für eus alli stimmt. Mir dänket jede Tag a dich. Ta, mir vermisset dich!

Nun dann...Heute musstest Du tatsächlich gehen. Ich habe alles versucht. Du warst 13 Jahre lang immer fit und munter. Hast uns immer so viel Freude bereitet...und plötzlich vor 6 Wochen war alles anders. Du warst krank, musstet erbrechen, hattest Durchfall. Befund: Schilddrüsenüberfunktion. An sich nicht so schlimm...aber Tabletten nehmen...bääähh, war noch nie Dein Ding. Trotzdem haben wir es eine Weile geschafft. Doch plötzlich hattest Du Fieber, wolltest nicht mehr essen und trinken. Das Tierspital hat Dich noch einmal aufgerichtet und uns Hoffnung gegeben. Noch einmal kamst Du nach Hause...und alles schien gut...Du hast viel gefressen und offensichtlich keine Beschwerden mehr. Aber Du warst nicht mehr die Sally, die wir kannten...aber kein Problem, Du warst eine alte Katze und brauchtest Ruhe und Erholung. Aber nach 6 Tagen wolltest Du wieder nicht mehr essen...und ich konnte nicht mehr zuschauen, wie Du zu Grunde gehst...Sally, wir danken Dir für die Zeit, die Du an unserer Seite verbracht hast. Du hast uns extrem viel Freude bereitet und ich hoffe, Du kannst uns verzeihen, dass wir heute den Entscheid gefasst haben, Dich nicht weiter leben zu lassen. Es war ein Entscheid für Dich, aber auch für uns. Ich wollte und konnte nicht länger zuschauen...Bitte verzeih uns...In Liebe und tiefer Trauer Andreas und Gosia

Für unsere geliebte Shila , nach über 15 Jahren mussten wir dich schweren Herzens gehen lassen . Du hast trotz deiner Altersbeschwerden bis am Schluss immer wieder gekämpft , nun durftest du friedlich einschlafen . Wir sind untröstlich , aber auch dankbar , dass wir 15 wundervolle Jahre mit dir verbringen durften . Du bist mit unseren Kindern aufgewachsen , warst der beste und treueste Freund den man sich vorstellen kann , einfach der tollste Hund den es gibt . Wir werden dich nie vergessen ! In Liebe und Dankbarkeit Deine Familie

Wurli, min schöne Kater, wie ich immer gseit ha zu Der. d Melanie het dich met dim Brüeder zäme brocht im Johr 99 met 3 Mönet, will sie eu vorem Tot grettet hätt. Ich cha mi no so guet erinnere, wie er zwee z Nacht über üsi Bett gsprunge sind. Du hesch au de Umzug is neue Dihei guet überstande und häsch dich wohl gfühlt a Dine Plätzli. Ob of üsem Bett, im chlinschte Chörbli oder ganz usgstreckt uf de Postergruppe. Was du vor allem gärn gmacht hesch, Vorhäng abschläcke. Ich weiss hüt no nöd, was der a dene so gmundet het. Au wenn ich dich gstriichlet ha, bisch du voll Liebi und Zärtlichkeit mini Hand go schlecke cho oder hesch met dim Miaue drof ufmerksam gmacht, dass du wöttisch gstrichlet werde. Im Dezember 2002 hesch du sehr Problem gha mit diner Blase. Mer händ Di dazumal scho müesse bim Tierarzt loh. Wie au im Januar 2005 hani wieder gmerkt, dass öpis mer der nöd in Ordnig isch. Du hesch dich immer meh verkroche. Ich bi denn wieder met der zum tierarzt gange. Es het sich usegstellt, dass du wieder ganz grossi Blaseproblem häsch. Du bisch do wieder ganz en Arme gsi. Du hesch Katheter, Kragen, Sprötze und vieles meh müesse ha. Mer hend dich denn au mänge Täg müesse bim Tierarzt lo. Ich han so Heiweh gha zo Der und eifach ganz fest ghofft, dass du wieder gsund wirsch. Es hätt sich denn alles zum Guete gwendet und mer hend dich wieder dörft heim neh. Mit em umstelle vom Fuetter hesch du dich denn ganz langsam erholt. Du bisch zwar en richtige Lusbueb gsi, es het der gar nöd passt, wie mer der das Fuetter het müesse geh. Doch mit de Ziit häsch du dich dra gwöhnt, und häsch es au gnosse, elei bi de Michaela im obe im Zimmer z blibe. Wie händ mer ali Freud gha, wos der wieder guet gange isch. Du hesch vo Tag zu Tag wieder zue gno. Was der blibe isch, dass du no ängstlicher als vorher worde bisch. Bim chlinste Grüsch oder au bimene Gwitter hesch du dich under üsers Bett gschliche. Am 19. April 06 isch aber das furchtbar Schlimme passiert!!! Ich bin i de Chuchi gsi und ghöre, dass im Gang osse eis Gschrei isch. Ich chume use und ghöre en lute Klapf, gseh dich am Bode, nume s Chöpfli no emol lopfe und nüt meh. Du hesch wölle devo springe und bisch mit voller Wucht is Chästli ine gsprunge und reglos lige blibe. I ha di sofort i d Arme gno, han der grüeft und gseit, Wurli, bitte, bitte, blib bi mer!!!! Du hesch no s letschti mol ganz lislig gmiauet, als häsch du wölle säge, ich muess jez go und mer dodemit tschau gseit. Ich ha sofort em Tierarzt telefoniert, obwohl es scho 2330 Uhr gsi isch. Ich chas hüt no nöd fasse, aber du häsch scho nüme gschnüfelet. Bim Tierarzt hani denn Gwüssheit gha, dass du gstorbe bisch. Ich ha die denn no sehr lang gstrichelet und immer wieder gfröget warum. Ich chas eifach nöd begrife!! Vo einer zu de andere Sekunde bisch du vo mer gange. Ich vermisse das chräbele vo der a de Chochitür, ich vermisse dis schnurrle, ich vermisse dis schlecke und dini Auge, wo mi immer so liebevoll aglueget hend, sowie dini so weiche Pfote.... I chas au hüt, noch so menge Woche no nöd verstoh, dass ich das nöd ha chöne verhindere. Und immer wieder hani das Passierti vor Auge. Wurli, du min schöne grosse Kater, du begrüessesch mi jetzt nüme, wenn ich hei chum. Dis Miaue isch verstummt, aber du wersch jede Tag bimer si. Ich wird Di nie vergesse. Ich werde Dir wie jede Obig guet Nacht säge und au dis Plätzli im Balkon und überall wird ich i liebevoller Erinnerig bhalte. Ich hoffe, dass du es ganz schön hesch bim Heidi und de viele andere Tierli i de freite Natur und hoffe ganz fest, dass mer enand am andere Ort wieder gsehnd!! Wurli, was ich der no möchti säge, i jedem vo üsne Chätzli, also dine Gsprändli, hesch du öppis do loh, so bisch du immer bi üs dihei. Mer hend dich so lieb, du fählsch üs, mer vermisset dich. Es tuet so weh, mer werded dich nie vergesse. Bis irgendwenn, du liebe Wurli, du schöne schöne Kater. Du fählsch mer! Ich vermisse dich so sehr!!! Vielen Dank an Frau und Herr Kürsteiner, unserem Tierarzt, das wir mit Dir Wurli, um 2400 Uhr noch in die Praxis kommen durften. Dass wir dich noch halten, streicheln und Abschied nehmen konnten von dir. Die samtweichen Haare, die du dabei verloren hast, habe ich als Andenken in einem Schächteli behalten. So wirst du noch mehr bei uns sein. Es tut so weh, du fehlst mir so!

Du bist ein treuer Begleiter durchs Leben gewesen. Du warst ein stolzer Kater. Mehrere Schutzengel hattest du: 2mal wurdest du von Mardern verletzt, doch du kamst immer wieder heil vom Tierarzt heim. Wir vermissen dich jeden Morgen, weil uns niemand weckt, weil er hunger hat. Doch am Meisten vermisst dich dein treuer Freund, Hasco. Doch du hast es verdient, nach 16 Jahren im Himmel zu sein, bei deinen Katzendamen, Lilly und Lesly. Wir werden dich nie vergessen!

si esch aus chrankes büsi zo ois cho. zerscht händ mer ned gwösst, öb sis öberläbt... doch si hät die chranket chöne aus es chrankes chlises büsi öberläbe! glöcklich ond au es bezeli fräch besch du dör dis schöne aber au churzes läbe ghöselet. jede morge esch si i min schrank ine grännt ond esch zwoi sekonde gschockt am bode ligge blobe. ide nacht esch si amigs i min zeche choge inebisse oder süscht hät si de pipo, ihre troi gfährt plaget. si hät amigs tagelang chöne dösse sech beschäftige, doch äinisch besch nöme vo dire räis zrogcho. ech han es inserat gmacht. won ech das ha welle em dorflade guge ufhänke hät mier die frau gsäit, dass so es büsi öberfahre worde seig. de schock esch da gsi. met dere grosse lascht han ech id dschuel mösse... Lilly mer vermisset dich aui esoo fescht! leider esch es haubs johr spöter ihre troi frönd, dä pipo nach langem läbe au gschtorbe. oisi zwoi büsis send ez zwoi sterne am himmel worde. mer werdit oi nie vergässe!

Mini geliebti Aischa Scho einisch hani hie für di ä Erinnerig gschribe! Und jetz wetti nomau öpis für di schribe und di öpis Froge! Sit du tod bisch hets ke einzige Tag gä woni nid a di dänkt hät!!! Jedä Abe vorem ischlofe hani üses Schachteli ghäbet und ganz fescht a di dänkt! I ha immer viu Chraft gspürt wenns mir schlächt isch gange und i das Schachteli ghäbt ha und a di dänkt ha!!!! Aischa, mis Mami und mi Papi trenne sich jetz und i mues us üsem geliebte Hus use und us mim geliebte Städtli ine Stadt! I mues au mini Fründine verlah! Für mi fangt jetz ä sehr schwirigi Zyt a! I mues bi au däm ono der Gymer schaffe! Für die schwirigi Zyt bruche wider öpis woni mi cha dra häbe und woni mi nid so allei füehle! Drum hei mis Mami und ig üs entschide wider es Büsi z nä! Aischa DI! cha niemer würklech NIEMER ersetzä!!! Mi het nume ei angeri Hälfti uf derä Wäut! Und mini angeri Hälfti das bisch du!!! Kes angers Büsi cha dini Rolle inä!!!! Du wirsch immer mis einzigartigste Büsi si!! Schliesslich bini jo mit dir ufgwachse!!!! Aischa bitte verzeih mir das mir wider ä Chatz nämä! Äs isch nid wül mir di wei ersetzä, sondern wül mir wider es Tierli bruche für di schwirigi Zyt, und wül mir so z Bedürfnis hei wider es Chätzli z ha!! Aber dänk immer a mini Wort, Aischa woni dir immer ha gseit!!! I LIEBE DI!!!! UND KE ANGERI CHATZ CHA DI ERSETZÄ!!!! DU BISCH MINI ANGERI HEUFTI , MINI SEELÄ!!!!!! I LIEBE DI ÜBER AUES AISCHA FÜR IMMER UND EWIG!!!! Du und ich, in aller Ewigkeit!!!!!!!!!!!!!! Dis Jenny

Vor bald 2 Jahren mussten wir Dich schweren Herzens Deinen letzten Weg gehen lassen. Wir sind jdeoch dankbar dafür, dass wir Dich bis zum Schluss begleiten durften und Du diesen Gang nicht alleine antreten musstest. Bis heute ist kein Tag vergangen, an dem wir nicht an Dich gedacht, von Dir geredet und Dich vermisst haben. Auch heute tut es uns in der Seele noch sehr weh, dass wir Dich nicht mehr knuddeln und Deine Begleitmusik beim Läuten der Kirchenglocken nie mehr hören können. Doch wir glauben fest daran, dass wir uns eines Tages wiedersehen werden und bis dahin wirst Du immer ein Teil unseres Lebens sein und bleiben. Ciao Picolino, ti vogliamo sempre bene.

Welch ein grosses Glück, dass wir dich bei uns haben durften. Und welche Trauer, dass du uns so früh verlassen hast. Es gibt keinen Trost. Aber die Liebe von dir ist bei uns geblieben und unsere bei Dir.Deine Katzenseele war und ist einmalig.Wir sehen uns wieder....